APAKE GREEN itu......apaan yach?
kasih tau kaga nih? kasih tau dah! kata orang, kaga kenal kaga demen, kalo kaga demen lu orang pasti pada kaga betah baca nih blog.
Mula-mula dari banyolan nungguin bedug buka puasa taun 2010 di bale (tau bale kan?) deket pinggiran kali pesanggrahan, ada usul bikin grup di facebook buat ngumpulin orang-orang yang demen naek gunung, khususnya di wilayah Kampung Kebon sekitarnya, maklum kita yang pada nimbrung lagi tu sama-sama punya dedemenan naek gunung. Tapi usul entu ngembang bukan cuman buat urusan naek gunung doang, temen-temen udah pada gerah ame keadaan kampung yang makin ari makin kaga keurus, makin penter, makin ngebul, pokoknya makin ora enak dah!. Udahan orang pendateng mah, kadang ada bae yang kaga peduli, buangin sampah di bentengan sembarangan. Tapi kaga semuanyah sih, ada juga orang pendateng yang malah jadi warga yang bae.. hehe. Mudah-mudahan orang pendateng pada begono semuanyah.
Nah dari ntu, kita bikin dah rempugan atawa komunitas yang kegiatannya bukan cuman buat urusan naek gunung, tapi ditaroin juga unsur-unsur konservasi, pelestarian, dan sebegononya dah pokonya. Jadinya kita bikin komunitas pake nama APAKE trus ditambain pake kata "GREEN" biar lebih keren ame lebih kena makna cinta alamnya, soalnya "Green" artinya "ijo". APAKE GREEN kepanjangannya Asosiasi Petualang Kampung Kebon Green.
Kita semua ngarep ni rempug bakalan jadi salah atu usaha yang nyambung terus ampe kiamat dateng, ame bisa ngasilin apa bae yang punya arti gede buat bumi kita, khususnya kampung kita Kampung Kebon.
Salam lestari!!
kasih tau kaga nih? kasih tau dah! kata orang, kaga kenal kaga demen, kalo kaga demen lu orang pasti pada kaga betah baca nih blog.
Mula-mula dari banyolan nungguin bedug buka puasa taun 2010 di bale (tau bale kan?) deket pinggiran kali pesanggrahan, ada usul bikin grup di facebook buat ngumpulin orang-orang yang demen naek gunung, khususnya di wilayah Kampung Kebon sekitarnya, maklum kita yang pada nimbrung lagi tu sama-sama punya dedemenan naek gunung. Tapi usul entu ngembang bukan cuman buat urusan naek gunung doang, temen-temen udah pada gerah ame keadaan kampung yang makin ari makin kaga keurus, makin penter, makin ngebul, pokoknya makin ora enak dah!. Udahan orang pendateng mah, kadang ada bae yang kaga peduli, buangin sampah di bentengan sembarangan. Tapi kaga semuanyah sih, ada juga orang pendateng yang malah jadi warga yang bae.. hehe. Mudah-mudahan orang pendateng pada begono semuanyah.
Nah dari ntu, kita bikin dah rempugan atawa komunitas yang kegiatannya bukan cuman buat urusan naek gunung, tapi ditaroin juga unsur-unsur konservasi, pelestarian, dan sebegononya dah pokonya. Jadinya kita bikin komunitas pake nama APAKE trus ditambain pake kata "GREEN" biar lebih keren ame lebih kena makna cinta alamnya, soalnya "Green" artinya "ijo". APAKE GREEN kepanjangannya Asosiasi Petualang Kampung Kebon Green.
Kita semua ngarep ni rempug bakalan jadi salah atu usaha yang nyambung terus ampe kiamat dateng, ame bisa ngasilin apa bae yang punya arti gede buat bumi kita, khususnya kampung kita Kampung Kebon.
Salam lestari!!
Tidak ada komentar:
Posting Komentar